Subscribe to our newsletter and get our newest updates

Kaifi Azmi

  • Ghazal


ki hai koi hasin KHata har KHata ke sath


kī hai koī hasīn ḳhatā har ḳhatā ke saath
thoḌā sā pyaar bhī mujhe de do sazā ke saath

gar Dūbnā hī apnā muqaddar hai to suno
Dūbeñge ham zarūr magar nāḳhudā ke saath

manzil se vo bhī duur thā aur ham bhī duur the
ham ne bhī dhuul uḌaa.ī bahut rahnumā ke saath

raqs-e-sabā ke jashn meñ ham tum bhī nāchte
ai kaash tum bhī aa ga.e hote sabā ke saath

ikkīsvīñ sadī kī taraf ham chale to haiñ
fitne bhī jaag uTThe haiñ āvāz-e-pā ke saath

aisā lagā ġharībī kī rekhā se huuñ buland
pūchhā kisī ne haal kuchh aisī adā ke saath

ki hai koi hasin KHata har KHata ke sath
thoDa sa pyar bhi mujhe de do saza ke sath

gar Dubna hi apna muqaddar hai to suno
Dubenge hum zarur magar naKHuda ke sath

manzil se wo bhi dur tha aur hum bhi dur the
hum ne bhi dhul uDai bahut rahnuma ke sath

raqs-e-saba ke jashn mein hum tum bhi nachte
ai kash tum bhi aa gae hote saba ke sath

ikkiswin sadi ki taraf hum chale to hain
fitne bhi jag uTThe hain aawaz-e-pa ke sath

aisa laga gharibi ki rekha se hun buland
puchha kisi ne haal kuchh aisi ada ke sath

Videos
This video is playing from YouTube Videos
This video is playing from YouTube Bharathi Vishwanathan RECITATIONS Nomaan Shauque



00:00/00:00 ki hai koi hasin KHata har KHata ke sath Nomaan Shauque

Leave a comment

+