Subscribe to our newsletter and get our newest updates

Jameel Usman

  • Ghazal


so jaiye huzur ki ab raat ho gai


so jā.iye huzūr ki ab raat ho ga.ī
jo baat hone vaalī thī vo baat ho ga.ī

ab kahne sunñe ke liye kuchh bhī nahīñ rahā
bas itnā kaafī hai ki mulāqāt ho ga.ī

thoḌī sī der is meñ huī to zarūr hai
lekin qubūl apnī munājāt ho ga.ī

ham biij bo ke sū-e-falak dekhte rahe
aur dekhte hī dekhte barsāt ho ga.ī

apnoñ meñ haar jiit ke ma.anī hī aur haiñ
ḳhush huuñ bahut ki un se mujhe maat ho ga.ī

so jaiye huzur ki ab raat ho gai
jo baat hone wali thi wo baat ho gai

ab kahne sunne ke liye kuchh bhi nahin raha
bas itna kafi hai ki mulaqat ho gai

thoDi si der is mein hui to zarur hai
lekin qubul apni munajat ho gai

hum bij bo ke su-e-falak dekhte rahe
aur dekhte hi dekhte barsat ho gai

apnon mein haar jit ke mani hi aur hain
KHush hun bahut ki un se mujhe mat ho gai


Leave a comment

+