Subscribe to our newsletter and get our newest updates

Mahender Kumar Sani

  • Ghazal


ek markaz pe simaTta jaun


ek markaz pe simaTtā jā.ūñ
ye maiñ ghaTtā huuñ ki baḌhtā jā.ūñ

ik nafas bhī maiñ na jā.ūñ bekār
kisī taḳhlīq meñ bartā jā.ūñ

maiñ bulandī kī taraf maa.il huuñ
zīna-dar-zīna utartā jā.ūñ

ho rahā huuñ tire dukh meñ tahlīl
apne har dard se kaTtā jā.ūñ

ho rahā huuñ maiñ kahīñ aur tulū
ufuq-e-jism se Dhaltā jā.ūñ

ek markaz pe simaTta jaun
ye main ghaTta hun ki baDhta jaun

ek nafas bhi main na jaun bekar
kisi taKHliq mein barta jaun

main bulandi ki taraf mail hun
zina-dar-zina utarta jaun

ho raha hun tere dukh mein tahlil
apne har dard se kaTta jaun

ho raha hun main kahin aur tulu
ufuq-e-jism se Dhalta jaun


Source: Kulliyat-e-Khwaja Haidar Ali Aatish

Leave a comment

+