Subscribe to our newsletter and get our newest updates

Urooj Zaidi Badayuni

  • Ghazal


mujhko majbur-e-sar-kashi kahiye


mujh ko majbūr-e-sar-kashī kahiye
aap añdhere ko raushnī kahiye

un se bachhḌā to is azaab meñ huuñ
maut kahiye ki zindagī kahiye

sar-e-sāhil bhī log pyāse haiñ
is ko āshob-e-tishnagī kahiye

kyuuñ tajāhul ko ārifāna kahūñ
mere chehre ko ajnabī kahiye

chaar din kī hai chāñdnī lekin
chāñdnī hai to chāñdnī kahiye

maut bhī zindagī kā ik ruḳh hai
is ko me.ār-e-āgahī kahiye

ġham se ham be-mazā nahīñ hote
lazzat-e-ġham ko chāshnī kahiye

mujh ko baḳhshī hai
dost kī banda-parvarī kahiye

jaltā-bujhtā ye kirmak-e-shab-tāb
us ko pur-kār-e-sādgī kahiye

mujh ko muḌ muḌ ke dekhne vaale
kyā ise tarz-e-be-ruḳhī kahiye

dhuup meñ saath saath saaya hai
raushnī meñ bhī tīrgī kahiye

rahbarī bhī hai ham-rakāb-e-urūj
us ko faizān-e-ḳhud-ravī kahiye

mujh ko majbur-e-sar-kashi kahiye
aap andhere ko raushni kahiye

un se bachhDa to is azab mein hun
maut kahiye ki zindagi kahiye

sar-e-sahil bhi log pyase hain
is ko aashob-e-tishnagi kahiye

kyun tajahul ko aarifana kahun
mere chehre ko ajnabi kahiye

chaar din ki hai chandni lekin
chandni hai to chandni kahiye

maut bhi zindagi ka ek ruKH hai
is ko mear-e-agahi kahiye

gham se hum be-maza nahin hote
lazzat-e-gham ko chashni kahiye

mujh ko baKHshi hai
dost ki banda-parwari kahiye

jalta-bujhta ye kirmak-e-shab-tab
us ko pur-kar-e-sadgi kahiye

mujh ko muD muD ke dekhne wale
kya ise tarz-e-be-ruKHi kahiye

dhup mein sath sath saya hai
raushni mein bhi tirgi kahiye

rahbari bhi hai ham-rakab-e-uruj
us ko faizan-e-KHud-rawi kahiye


Source: Naqsh,Shumara No. 011

Leave a comment

+