Subscribe to our newsletter and get our newest updates

Ghulam Mohammad Qasir

  • Ghazal


ban mein viran thi nazar shahr mein dil rota hai


ban meñ vīrāñ thī nazar shahr meñ dil rotā hai
zindagī se ye mirā dūsrā samjhautā hai

lahlahāte hue ḳhvāboñ se mirī āñkhoñ tak
ratjage kāsht na kar le to vo kab sotā hai

jis ko is fasl meñ honā hai barābar kā sharīk
mere ehsās meñ tanhā.iyāñ kyuuñ botā hai

naam likh likh ke tirā phuul banāne vaalā
aaj phir shabnamīñ āñkhoñ se varaq dhotā hai

tere baḳhshe hue ik ġham kā karishma hai ki ab
jo bhī ġham ho mire meyār se kam hotā hai

so ga.e shahr-e-mohabbat ke sabhī daaġh o charāġh
ek saaya pas-e-dīvār abhī rotā hai

ye bhī ik rañg hai shāyad mirī mahrūmī kā
koī hañs de to mohabbat kā gumāñ hotā hai

ban mein viran thi nazar shahr mein dil rota hai
zindagi se ye mera dusra samjhauta hai

lahlahate hue KHwabon se meri aankhon tak
ratjage kasht na kar le to wo kab sota hai

jis ko is fasl mein hona hai barabar ka sharik
mere ehsas mein tanhaiyan kyun bota hai

nam likh likh ke tera phul banane wala
aaj phir shabnamin aankhon se waraq dhota hai

tere baKHshe hue ek gham ka karishma hai ki ab
jo bhi gham ho mere meyar se kam hota hai

so gae shahr-e-mohabbat ke sabhi dagh o charagh
ek saya pas-e-diwar abhi rota hai

ye bhi ek rang hai shayad meri mahrumi ka
koi hans de to mohabbat ka guman hota hai

Videos
This video is playing from YouTube Videos
This video is playing from YouTube Ghulam Mohammad Qasir

Source: Book : Tasteer (Pg. 290) Edition : Issue No. 9,10 July/August. 1999

Leave a comment

+