Subscribe to our newsletter and get our newest updates

Tahir Azeem

  • Ghazal


ek anokhi rasm ko zinda rakha hai


ik anokhī rasm ko zinda rakhā hai
ḳhuun hī ne ḳhuun ko paspā rakhā hai

ab junūn-e-ḳhud-numā.ī meñ to ham ne
vahshatoñ kā ik darīcha vā rakhā hai

shahr kaise ab haqīqat-āshnā ho
āgahī par zaat kā pahra rakhā hai

tīrgī kī kyā ajab tarkīb hai ye
ab havā ke dosh par diivā rakhā hai

tum charāġhoñ ko bujhāne par tule ho
ham ne sūraj ko bhī ab apnā rakhā hai

tum hamāre ḳhuun kī qīmat na pūchho
is meñ apne zarf kā arsa rakhā hai

shahr kī is bhiiḌ meñ chal to rahā huuñ
zehn meñ par gaañv kā naqsha rakhā hai

ye 'azīm' apnā kamāl-e-zarf hai jo
dushmanoñ ke aib par parda rakhā hai

ek anokhi rasm ko zinda rakha hai
KHun hi ne KHun ko paspa rakha hai

ab junun-e-KHud-numai mein to hum ne
wahshaton ka ek daricha wa rakha hai

shahr kaise ab haqiqat-ashna ho
aagahi par zat ka pahra rakha hai

tirgi ki kya ajab tarkib hai ye
ab hawa ke dosh par diwa rakha hai

tum charaghon ko bujhane par tule ho
hum ne suraj ko bhi ab apna rakha hai

tum hamare KHun ki qimat na puchho
is mein apne zarf ka arsa rakha hai

shahr ki is bhiD mein chal to raha hun
zehn mein par ganw ka naqsha rakha hai

ye 'azim' apna kamal-e-zarf hai jo
dushmanon ke aib par parda rakha hai


Source: Book : Kulliyat-e-gopal mittal (Pg. 185) Author : Gopal Mittal Publication : Modern Publishing House, Daryaganj New delhi (1994) Edition : 1994

Leave a comment

+