Subscribe to our newsletter and get our newest updates

Tanvir Dehlvi

  • Ghazal


hain sham hi se ranj-o-qalaq jaan par ab to


haiñ shaam hī se ranj-o-qalaq jaan par ab to
ham ko nahīñ ummīd ki pakḌeñ sahar ab to

dīvāna koī ho.e to ho us kī balā se
apne hī parī-pan pe paḌī hai nazar ab to

saa.e se chahak jaate the yā phirte ho shab bhar
vallāh ki tum ho ga.e kitne niDar ab to

jaañ ko to ḳhabar bhī nahīñ uupar hī se uupar
dil le ga.ī is shoḳh kī nīchī nazar ab to

mai-ḳhāna-o-mai-e-ishq-e-butāñ aur ye sin-o-sāl
'tanvīr' ḳhudā kā bhī zarā ḳhauf kar ab to

hain sham hi se ranj-o-qalaq jaan par ab to
hum ko nahin ummid ki pakDen sahar ab to

diwana koi hoe to ho us ki bala se
apne hi pari-pan pe paDi hai nazar ab to

sae se chahak jate the ya phirte ho shab bhar
wallah ki tum ho gae kitne niDar ab to

jaan ko to KHabar bhi nahin upar hi se upar
dil le gai is shoKH ki nichi nazar ab to

mai-KHana-o-mai-e-ishq-e-butan aur ye sin-o-sal
'tanwir' KHuda ka bhi zara KHauf kar ab to


Leave a comment

+