Subscribe to our newsletter and get our newest updates

Yashab Tamanna

  • Ghazal


labon se aashnai de raha hai


laboñ se āshnā.ī de rahā hai
vo lazzat intihā.ī de rahā hai

mohabbat bhī huī kār-e-mashaqqat
badan thak kar duhā.ī de rahā hai

churātā hai badan mujh se nigāheñ
mujhe dil bhī safā.ī de rahā hai

koī bhar degā apnī qurbatoñ se
koī zaḳhm-e-judā.ī de rahā hai

koī to hai jo itnī sardiyoñ meñ
badan jaisī razā.ī de rahā hai

koī mujh ko 'yashab' apnī razā se
ḳhazānoñ tak rasā.ī de rahā hai

labon se aashnai de raha hai
wo lazzat intihai de raha hai

mohabbat bhi hui kar-e-mashaqqat
badan thak kar duhai de raha hai

churaata hai badan mujh se nigahen
mujhe dil bhi safai de raha hai

koi bhar dega apni qurbaton se
koi zaKHm-e-judai de raha hai

koi to hai jo itni sardiyon mein
badan jaisi razai de raha hai

koi mujh ko 'yashab' apni raza se
KHazanon tak rasai de raha hai


Leave a comment

+