Subscribe to our newsletter and get our newest updates

Hafeez Jauhar

  • Ghazal


be-numud dard ki numaish kyon


be-numūd dard kī numā.ish kyoñ
dil se kartī hai aañkh sāzish kyoñ

ġham jo likkhā huā hai chehre pe
koī paḌh le to us se ranjish kyoñ

vo jo har zāviye se dil meñ hai
us ko phir dekhne kī ḳhvāhish kyoñ

ḳhvāb-e-tāza jagā.e āñkhoñ meñ
ham pe mausam kī ye navāzish kyoñ

sab ko apne hī kaam the us se
koī kartā mirī sifārish kyoñ

be-numud dard ki numaish kyon
dil se karti hai aankh sazish kyon

gham jo likkha hua hai chehre pe
koi paDh le to us se ranjish kyon

wo jo har zawiye se dil mein hai
us ko phir dekhne ki KHwahish kyon

KHwab-e-taza jagae aankhon mein
hum pe mausam ki ye nawazish kyon

sab ko apne hi kaam the us se
koi karta meri sifarish kyon


Source: Jate Hue Lamho

Leave a comment

+