Subscribe to our newsletter and get our newest updates

Wajid Ali Shah Akhtar

  • Ghazal


buto KHuda se Daro sang dil siwa na karo


buto ḳhudā se Daro sañg dil sivā na karo
ye mom dil hai hamārā ise judā na karo

na ThanDī sāñseñ bharo daur-e-mai meñ ham-nafasāñ
ye aag bhaḌkegī mai-ḳhāne meñ havā na karo

ham āñkheñ band kareñ phir dikhāo rañgīnī
jo chor pakḌā hai tum shoḳhi-e-hinā na karo

chakor ham ko banāyā dikhā ke uryānī
ye khel chāñdnī meñ aa ke mah-laqā na karo

ġhazal meñ sher bahut narm ho ga.e 'aḳhtar'
ye kis zabān meñ kahte ho bad-maza na karo

buto KHuda se Daro sang dil siwa na karo
ye mom dil hai hamara ise juda na karo

na ThanDi sansen bharo daur-e-mai mein ham-nafasan
ye aag bhaDkegi mai-KHane mein hawa na karo

hum aankhen band karen phir dikhao rangini
jo chor pakDa hai tum shoKHi-e-hina na karo

chakor hum ko banaya dikha ke uryani
ye khel chandni mein aa ke mah-laqa na karo

ghazal mein sher bahut narm ho gae 'aKHtar'
ye kis zaban mein kahte ho bad-maza na karo


Source: Rooh-e-Ghazal,Pachas Sala Intekhab

Leave a comment

+