Subscribe to our newsletter and get our newest updates

Jamal Owaisi

  • Ghazal


har nafas ek nai zanjir mujhe milti hai


har nafas ik na.ī zanjīr mujhe miltī hai
jiinā paḌtā hai mujhe hiir mujhe miltī hai

bhāgtā rahtā huuñ parchhā.iyoñ kī yūrish se
har jagah apnī hī tasvīr mujhe miltī hai

be-navā.ī meñ mire dil ko sukūñ hai kitnā
chain se jiine kī jāgīr mujhe miltī hai

maiñ ne dekhā thā kabhī sāyoñ ke Takrāv kā ḳhvāb
aaj us ḳhvāb kī ta.abīr mujhe miltī hai

koī lauTātā hai bhejā huā tohfa mujh ko
pyaar ke badle meñ tahqīr mujhe miltī hai

har nafas ek nai zanjir mujhe milti hai
jina paDta hai mujhe hir mujhe milti hai

bhagta rahta hun parchhaiyon ki yurish se
har jagah apni hi taswir mujhe milti hai

be-nawai mein mere dil ko sukun hai kitna
chain se jine ki jagir mujhe milti hai

main ne dekha tha kabhi sayon ke Takraw ka KHwab
aaj us KHwab ki tabir mujhe milti hai

koi lauTata hai bheja hua tohfa mujh ko
pyar ke badle mein tahqir mujhe milti hai


Source: Khumnistan-e-kaifi

Leave a comment

+