Subscribe to our newsletter and get our newest updates

Vishma Khan Vishma

  • Ghazal


sukut-e-shab sitaron se hawa jab baat karti hai


sukūt-e-shab sitāroñ se havā jab baat kartī hai
tumhārī yaad kī ḳhushbū mire har sū bikhartī hai

vo ik laḌkā jo merī zaat kā mehvar hai muddat se
mire andar kī laḌkī bhī usī ke saath rahtī hai

kabhī dil meñ mohabbat ke hasīñ mausam nikharte haiñ
kabhī mujh se lipaT kar zindagī bhī raqs kartī hai

tire ḳhvāb aur ḳhayāloñ kī agar mahfil sajī ho to
kabhī gaa.e tire naġhme kabhī bantī sañvartī hai

mujhe merī mohabbat par bahut hī maan hai 'vishma'
usī ke naam se ab zindagī kī saañs chaltī hai

sukut-e-shab sitaron se hawa jab baat karti hai
tumhaari yaad ki KHushbu mere har su bikharti hai

wo ek laDka jo meri zat ka mehwar hai muddat se
mere andar ki laDki bhi usi ke sath rahti hai

kabhi dil mein mohabbat ke hasin mausam nikharte hain
kabhi mujh se lipaT kar zindagi bhi raqs karti hai

tere KHwab aur KHayalon ki agar mahfil saji ho to
kabhi gae tere naghme kabhi banti sanwarti hai

mujhe meri mohabbat par bahut hi man hai 'wishma'
usi ke nam se ab zindagi ki sans chalti hai


Leave a comment

+