jab bhī girtā huuñ thaam letā hai
yuuñ bhī vo intiqām letā hai

kyā shikāyat adā hai ye us kī
be-niyāzī se kaam letā hai

aisā kyā kuchh pilā diyā tū ne
jo bhī hai terā naam letā hai

chhiḌ hī jaatī hai dāstāñ merī
jab koī terā naam letā hai

sab kī nazreñ bachā ke ai 'hairat'
koī terā salām letā hai

jab bhi girta hun tham leta hai
yun bhi wo intiqam leta hai

kya shikayat ada hai ye us ki
be-niyazi se kaam leta hai

aisa kya kuchh pila diya tu ne
jo bhi hai tera nam leta hai

chhiD hi jati hai dastan meri
jab koi tera nam leta hai

sab ki nazren bacha ke ai 'hairat'
koi tera salam leta hai

Source: Rooh-e-Ghazal,Pachas Sala Intekhab