Subscribe to our newsletter and get our newest updates

Nadeem Fazli

  • Ghazal


wo yak-ba-yak use dal mein utarne ka amal


vo yak-ba-yak use dal meñ utārne kā amal
vo apnī zaat pe shab-ḳhūn mārne kā amal

hazār vasvase dil meñ aur ik dahaktā alaav
hayāt-e-dasht meñ rāteñ guzārne kā amal

bas ek ḳhosha-e-gandum aur aisī dar-ba-darī
vo āsmāñ ko zamīñ par utārne kā amal

ye umar mez hai gavayyā qimār-ḳhāne kī
bas ek jiit kī ḳhvāhish meñ hārne kā amal

vo band ḳhushbū kā bād-e-sabā ke vo nāḳhun
kalī ke jism se kapḌe utārne kā amal

ġhazab kā shor machāte ho.e ye sannāTe
vo be-sadā bhī kisī ko pukārne kā amal

hui hai shaam phir ashkoñ se ik vazū ho 'nadīm'
phir ek raat sitāre shumārne kā amal

wo yak-ba-yak use dal mein utarne ka amal
wo apni zat pe shab-KHun marne ka amal

hazar waswase dil mein aur ek dahakta alaw
hayat-e-dasht mein raaten guzarne ka amal

bas ek KHosha-e-gandum aur aisi dar-ba-dari
wo aasman ko zamin par utarne ka amal

ye umar mez hai gawayya qimar-KHane ki
bas ek jit ki KHwahish mein haarne ka amal

wo band KHushbu ka baad-e-saba ke wo naKHun
kali ke jism se kapDe utarne ka amal

ghazab ka shor machate hoe ye sannaTe
wo be-sada bhi kisi ko pukarne ka amal

hui hai sham phir ashkon se ek wazu ho 'nadim'
phir ek raat sitare shumarne ka amal


Leave a comment

+