Subscribe to our newsletter and get our newest updates

Mah Talat Zahidi

  • Ghazal


qabr pe phul khila aahista


qabr pe phuul khilā āhista
zaḳham se ḳhuun bahā āhista

dhyān ke ziine pe yādoñ ne phir
dekhiye paañv dharā āhista

kahne ko vaqt guzartā hī na thā
aur jag biit gayā āhista

kaaTe se raat nahīñ kaTtī thī
phir bhī din aa hī gayā āhista

aañkh meñ chehra basā rahtā hai
is liye ashk girā āhista

maiñ jo muddat meñ hañsī dil ne kahā
kyā tujhe sabr milā āhista

ro ke maiñ ne ye kahā duniyā hai
ġham ko sahnā hī paḌā āhista

qabr pe phul khila aahista
zaKHam se KHun baha aahista

dhyan ke zine pe yaadon ne phir
dekhiye panw dhara aahista

kahne ko waqt guzarta hi na tha
aur jag bit gaya aahista

kaTe se raat nahin kaTti thi
phir bhi din aa hi gaya aahista

aankh mein chehra basa rahta hai
is liye ashk gira aahista

main jo muddat mein hansi dil ne kaha
kya tujhe sabr mila aahista

ro ke main ne ye kaha duniya hai
gham ko sahna hi paDa aahista


Source: Book : Shakh-e-gazal (Pg. 122) Author : Mah-e-talat Zahidi Publication : Baikan Books Gulgisht Multan, Kitab nagar Hassan (2004) Edition : 2004

Leave a comment

+