Subscribe to our newsletter and get our newest updates

Waliullah wali

  • Ghazal


na dekhen kamtari ab kamtaron ki


na dekheñ kamtarī ab kamtaroñ kī
isī meñ behtarī hai behtaroñ kī

karo tum laakh ārā.ish gharoñ kī
zarūrat kam na hogī maqbaroñ kī

yahāñ thak jaa.e na neza tumhārā
mirī bastī hai bastī ḳhud-suroñ kī

siyāsat ne paḌhā rahzan kā kalma
baḌī zillat huī hai rahbaroñ kī

chaman ko ye nayā mausam mubārak
uḌegī fāḳhta ab be-paroñ kī

ḳhudā rakkhe dil-e-īzā-talab ko
zabāñ chaltī rahegī nashtaroñ kī

ḳhushā qātil kī shān-e-shahr-yārī
manā.eñ ḳhair ham apne saroñ kī

nazar aatā nahīñ apnā garebāñ
burā.ī kar rahe haiñ dūsroñ kī

'valī' jī pīr-e-mai-ḳhāna bane haiñ
ināyat hai ġhazal ke dilbaroñ kī

na dekhen kamtari ab kamtaron ki
isi mein behtari hai behtaron ki

karo tum lakh aaraish gharon ki
zarurat kam na hogi maqbaron ki

yahan thak jae na neza tumhaara
meri basti hai basti KHud-suron ki

siyasat ne paDha rahzan ka kalma
baDi zillat hui hai rahbaron ki

chaman ko ye naya mausam mubarak
uDegi faKHta ab be-paron ki

KHuda rakkhe dil-e-iza-talab ko
zaban chalti rahegi nashtaron ki

KHusha qatil ki shan-e-shahr-yari
manaen KHair hum apne saron ki

nazar aata nahin apna gareban
burai kar rahe hain dusron ki

'wali' ji pir-e-mai-KHana bane hain
inayat hai ghazal ke dilbaron ki


Leave a comment

+