Subscribe to our newsletter and get our newest updates

Dinesh Kumar

  • Ghazal


tir-e-abru jab kaman tak aa gae


tīr-e-abrū jab kamāñ tak aa ga.e
un kī zad meñ jism-o-jāñ tak aa ga.e

daaġh sīrat par lage the aur ham
basti-e-sūrat-garāñ tak aa ga.e

rafta rafta kam huā zabt-e-alam
dard-e-jāñ merī zabāñ tak aa ga.e

ham ko bhī ik gul-badan kī chaah thī
ham bhī koī gulsitāñ tak aa ga.e

manzil-e-maqsūd bhī dikhne lagī
ham jo mīr-e-kārvāñ tak aa ga.e

yaad aayā jab hameñ bachpan bahut
ham khilaunoñ kī dukāñ tak aa ga.e

qātiloñ ke paas thī daulat apaar
un ke haq meñ hukmarāñ tak aa ga.e

mausam-e-gul sirf yādoñ meñ hai ab
umr guzrī ham ḳhizāñ tak aa ga.e

tir-e-abru jab kaman tak aa gae
un ki zad mein jism-o-jaan tak aa gae

dagh sirat par lage the aur hum
basti-e-surat-garan tak aa gae

rafta rafta kam hua zabt-e-alam
dard-e-jaan meri zaban tak aa gae

hum ko bhi ek gul-badan ki chah thi
hum bhi koi gulsitan tak aa gae

manzil-e-maqsud bhi dikhne lagi
hum jo mir-e-karwan tak aa gae

yaad aaya jab hamein bachpan bahut
hum khilaunon ki dukan tak aa gae

qatilon ke pas thi daulat apar
un ke haq mein hukmaran tak aa gae

mausam-e-gul sirf yaadon mein hai ab
umr guzri hum KHizan tak aa gae


Source: Book : Nuskha Hai Wafa (Kulliyat-e-Faiz) (Pg. 340) Publication : Educational Publishing House (2009) Edition : 2009

Leave a comment

+