vaqt kī tarah tire haath se nikle hue haiñ
ham sitāre haiñ magar raat se nikle hue haiñ

ḳhāmushī ham pe girī āḳhirī miTTī kī tarah
aise chup haiñ ki har ik baat se nikle hue haiñ

ham kisī zo.am meñ nārāz hue haiñ tujh se
ham kisī baat pe auqāt se nikle hue haiñ

ye mirā ġham hai mire dost magar tū ye samajh
ashk to shiddat-e-jazbāt se nikle hue haiñ

ham ġhulāmī ko muqaddar kī tarah jānte haiñ
ham tirī jiit tirī maat se nikle hue haiñ

waqt ki tarah tere hath se nikle hue hain
hum sitare hain magar raat se nikle hue hain

KHamushi hum pe giri aaKHiri miTTi ki tarah
aise chup hain ki har ek baat se nikle hue hain

hum kisi zoam mein naraaz hue hain tujh se
hum kisi baat pe auqat se nikle hue hain

ye mera gham hai mere dost magar tu ye samajh
ashk to shiddat-e-jazbaat se nikle hue hain

hum ghulami ko muqaddar ki tarah jaante hain
hum teri jit teri mat se nikle hue hain