Subscribe to our newsletter and get our newest updates

Wafa Naqvi

  • Ghazal


pattharon se na kabhi TuT ke ulfat karna


pattharoñ se na kabhī TuuT ke ulfat karnā
jism shīshe kā nahīñ phir bhī hifāzat karnā

ab na chhū lenā kabhī phuul se ruḳhsāroñ ko
uñgliyāñ apnī jalāne kī na zahmat karnā

jhukne denā na kisī peḌ kī shāḳhoñ kā ġhurūr
Dhalte sūraj se zarā sī to muravvat karnā

ab jo bikhre haiñ dar-o-bām to hairat kaisī
ham ne sīkhā hī na thā ghar kī hifāzat karnā

laakh maujeñ hoñ muḳhālif ki havā ho nārāz
paar is baar bhī dariyā kisī sūrat karnā

pattharon se na kabhi TuT ke ulfat karna
jism shishe ka nahin phir bhi hifazat karna

ab na chhu lena kabhi phul se ruKHsaron ko
ungliyan apni jalane ki na zahmat karna

jhukne dena na kisi peD ki shaKHon ka ghurur
Dhalte suraj se zara si to murawwat karna

ab jo bikhre hain dar-o-baam to hairat kaisi
hum ne sikha hi na tha ghar ki hifazat karna

lakh maujen hon muKHalif ki hawa ho naraaz
par is bar bhi dariya kisi surat karna


Leave a comment

+