Subscribe to our newsletter and get our newest updates

Abbas Ali Khan Bekhud

  • Ghazal


kisi se ishq karna aur usko ba-KHabar karna


kisī se ishq karnā aur us ko bā-ḳhabar karnā
hai apne matlab-e-dushvār ko dushvār tar karnā

nahīñ hai maut par bhī iḳhtiyār ai vā-e-majbūrī
umīd-e-marg meñ mushkil basar karnā magar karnā

qafas meñ qaid karnā thā to bāl-o-par katarne the
sitam hai bāl-o-par rakhte hue bhī yuuñ basar karnā

jo par the māya-e-parvāz haiñ vaj.h-e-girāñ-bārī
ġhurūr-e-bāl-o-par karnā to mujh ko dekh kar karnā

banā kar jaur kā ḳhūgar ināyat kī nazar karnā
jafā kar shauq se tū zabt par mere na jā hargiz

shikāyat kyā mujhe ye kaam hai jab umr bhar karnā
jafā un kī vafā-parvar vafā merī jafā-parvar

vo un ko umr bhar karnā ye mujh ko umr bhar karnā

sar-e-rah pūchhte haiñ haal kyā kahiye ki mushkil hai
bayān-e-dard-e-dil karnā aur us ko muḳhtasar karnā

tavajjoh chārāgar kī bā.is-e-taklīf hai 'beḳhud'
izāfa hai musībat meñ davāoñ kā asar karnā

kisi se ishq karna aur us ko ba-KHabar karna
hai apne matlab-e-dushwar ko dushwar tar karna

nahin hai maut par bhi iKHtiyar ai wa-e-majburi
umid-e-marg mein mushkil basar karna magar karna

qafas mein qaid karna tha to baal-o-par katarne the
sitam hai baal-o-par rakhte hue bhi yun basar karna

jo par the maya-e-parwaz hain wajh-e-giran-bari
ghurur-e-baal-o-par karna to mujh ko dekh kar karna

bana kar jaur ka KHugar inayat ki nazar karna
jafa kar shauq se tu zabt par mere na ja hargiz

shikayat kya mujhe ye kaam hai jab umr bhar karna
jafa un ki wafa-parwar wafa meri jafa-parwar

wo un ko umr bhar karna ye mujh ko umr bhar karna

sar-e-rah puchhte hain haal kya kahiye ki mushkil hai
bayan-e-dard-e-dil karna aur us ko muKHtasar karna

tawajjoh chaaragar ki bais-e-taklif hai 'beKHud'
izafa hai musibat mein dawaon ka asar karna


Source: Raushni-ai-raushni

Leave a comment

+