jab kabhī tum merī jānib aaoge
mujh ko apnā muntazir hī pāoge
dekhnā kaise pighalte jāoge
jab mirī āġhosh meñ tum aaoge
gesu-e-pechāñ meñ mujh ko bāñdh kar
tum bhī ab bach kar kahāñ tak jāoge
hashr ke din kī to chhoḌo hashr par
umr bhar ye ḳhauf kyūñkar khāoge
vaqt 'āzim' jā ke phir aatā nahīñ
vaqt ko vāpas kahāñ se lāoge
jab kabhi tum meri jaanib aaoge
mujh ko apna muntazir hi paoge
dekhna kaise pighalte jaoge
jab meri aaghosh mein tum aaoge
gesu-e-pechan mein mujh ko bandh kar
tum bhi ab bach kar kahan tak jaoge
hashr ke din ki to chhoDo hashr par
umr bhar ye KHauf kyunkar khaoge
waqt 'azim' ja ke phir aata nahin
waqt ko wapas kahan se laoge
Leave a comment