Subscribe to our newsletter and get our newest updates

Dr. Naresh

  • Ghazal


rafiq se hi lage hain na ab adu se hum


rafīq se hī lage haiñ na ab adū se ham
nikal ga.e haiñ bahut duur rañg-o-bū se ham

tirī talāsh meñ gum kar deñ apnī hastī ko
ye aarzū hai guzar jaa.eñ aarzū se ham

sivā.e apne kise deñ gunāh kā ilzām
kafan-ba-dosh khaḌe haiñ lahū lahū se ham

zabān-e-shīrīñ diloñ meñ fasād-o-fitna-o-shar
ki baaz aa.e mohabbat kī guftugū se ham

na.ī balā liye ugtā hai har nayā sūraj
'naresh' aise bañdhe ek fitna-ḳhū se ham

rafiq se hi lage hain na ab adu se hum
nikal gae hain bahut dur rang-o-bu se hum

teri talash mein gum kar den apni hasti ko
ye aarzu hai guzar jaen aarzu se hum

siwae apne kise den gunah ka ilzam
kafan-ba-dosh khaDe hain lahu lahu se hum

zaban-e-shirin dilon mein fasad-o-fitna-o-shar
ki baz aae mohabbat ki guftugu se hum

nai bala liye ugta hai har naya suraj
'naresh' aise bandhe ek fitna-KHu se hum


Leave a comment

+