Subscribe to our newsletter and get our newest updates

Mahboob Khizan

  • Ghazal


naz-o-andaz dil dikhane lage


nāz-o-andāz dil dikhāne lage
ab vo fitne samajh meñ aane lage

phir vahī intizār kī zanjīr
raat aa.ī diye jalāne lage

chhāñv paḌne lagī sitāroñ kī
ruuh ke zaḳhm jhilmilāne lage

haal ahvāl kyā batā.eñ kise
sab irāde ga.e Thikāne lage

manzil-e-sub.h aa ga.ī shāyad
rāste har taraf ko jaane lage

naz-o-andaz dil dikhane lage
ab wo fitne samajh mein aane lage

phir wahi intizar ki zanjir
raat aai diye jalane lage

chhanw paDne lagi sitaron ki
ruh ke zaKHm jhilmilane lage

haal ahwal kya bataen kise
sab irade gae Thikane lage

manzil-e-subh aa gai shayad
raste har taraf ko jaane lage


Leave a comment

+