Subscribe to our newsletter and get our newest updates

Wahshat Raza Ali Kalkatvi

  • Ghazal


ai ahl-e-wafa KHak bane kaam tumhaara


ai ahl-e-vafā ḳhaak bane kaam tumhārā
āġhāz batā detā hai anjām tumhārā

jaate ho kahāñ ishq ke bedād-kahso tum
us anjuman-e-nāz meñ kyā kaam tumhārā

ai diida o dil kuchh to karo zabt o tahammul
labrez mai-e-shauq se hai jaam tumhārā

ai kaash mire qatl hī kā muzhda vo hotā
aatā kisī sūrat se to paiġhām tumhārā

'vahshat' ho mubārak tumheñ badmastī o rindī
juz ishq-e-butāñ aur hai kyā kaam tumhārā

ai ahl-e-wafa KHak bane kaam tumhaara
aaghaz bata deta hai anjam tumhaara

jate ho kahan ishq ke bedad-kahso tum
us anjuman-e-naz mein kya kaam tumhaara

ai dida o dil kuchh to karo zabt o tahammul
labrez mai-e-shauq se hai jam tumhaara

ai kash mere qatl hi ka muzhda wo hota
aata kisi surat se to paigham tumhaara

'wahshat' ho mubarak tumhein badmasti o rindi
juz ishq-e-butan aur hai kya kaam tumhaara

RECITATIONS Nomaan Shauque



00:00/00:00 ai ahl-e-wafa KHak bane kaam tumhaara Nomaan Shauque

Source: Book : Gul Gisht (Pg. 53) Author : Qazi Gaus Muhiuddin Ahmed Siddique Publication : Nawa-e-Dakan Publications-2 (1986) Edition : 1986

Leave a comment

+