kitne mele haiñ āsmānoñ meñ
aur ham band haiñ makānoñ meñ

nasl-e-ādam nikal ke ġhāroñ se
aa ga.ī hai kitāb-ḳhānoñ meñ

log karte haiñ intizār mirā
tiir khīñche hue kamānoñ meñ

azhdahe haiñ ba-sūrat-e-ashyā
sar uThā.e hue dukānoñ meñ

ham vo sahrā-navard haiñ jin kā
najd phailā hai āsmānoñ meñ

sā.atoñ se guzar rahī hai raat
aag raushan rakho makānoñ meñ

kitne mele hain aasmanon mein
aur hum band hain makanon mein

nasl-e-adam nikal ke ghaaron se
aa gai hai kitab-KHanon mein

log karte hain intizar mera
tir khinche hue kamanon mein

azhdahe hain ba-surat-e-ashya
sar uThae hue dukanon mein

hum wo sahra-naward hain jin ka
najd phaila hai aasmanon mein

saaton se guzar rahi hai raat
aag raushan rakho makanon mein