Subscribe to our newsletter and get our newest updates

Govind Gulshan

  • Ghazal


sher jab khulta hai khulte hain maani kya kya


sher jab khultā hai khulte haiñ ma.ānī kyā kyā
rāste dete haiñ ik misra-e-sānī kyā kyā

ḳhatm hotī hai samundar pe kabhī sahrā meñ
rāste chuntī hai dariyā kī ravānī kyā kyā

pahle kirdār guzartā hai nazar se koī
moḌ letī hai phir āñkhoñ meñ kahānī kyā kyā

ashk āñkhoñ meñ kasak dil meñ nazar meñ ummīd
ishq detā hai mohabbat meñ nishānī kyā kyā

jaan letā hai kabhī jaan bachā letā hai
fitrateñ rakhtā hai dariyāoñ kā paanī kyā kyā

us kī āñkhoñ kī sharārat kabhī hoñToñ kā jamāl
sāmne aatī haiñ tasvīreñ purānī kyā kyā

sher jab khulta hai khulte hain maani kya kya
raste dete hain ek misra-e-sani kya kya

KHatm hoti hai samundar pe kabhi sahra mein
raste chunti hai dariya ki rawani kya kya

pahle kirdar guzarta hai nazar se koi
moD leti hai phir aankhon mein kahani kya kya

ashk aankhon mein kasak dil mein nazar mein ummid
ishq deta hai mohabbat mein nishani kya kya

jaan leta hai kabhi jaan bacha leta hai
fitraten rakhta hai dariyaon ka pani kya kya

us ki aankhon ki shararat kabhi honTon ka jamal
samne aati hain taswiren purani kya kya


Pachas Sala Intekhab"

Leave a comment

+