Subscribe to our newsletter and get our newest updates

Pratap Somvanshi

  • Ghazal


ye jo chehre pe muskurahaT hai


ye jo chehre pe muskurāhaT hai
ik sajāvaT hai ik banāvaT hai

mujh meñ tujh meñ bas ek rishta hai
tere andar bhī khaTpaTāhaT hai

kuchh taqāze haiñ kuchh udhārī hai
umr kā bojh hai thakāvaT hai

har koī paḌh samajh na pā.egā
vaqt ke haath kī likhāvaT hai

gāliyoñ kī tarah hī lagtī hai
ye jo naqlī sī muskurāhaT hai

ye jo chehre pe muskurahaT hai
ek sajawaT hai ek banawaT hai

mujh mein tujh mein bas ek rishta hai
tere andar bhi khaTpaTahaT hai

kuchh taqaze hain kuchh udhaari hai
umr ka bojh hai thakawaT hai

har koi paDh samajh na paega
waqt ke hath ki likhawaT hai

galiyon ki tarah hi lagti hai
ye jo naqli si muskurahaT hai


Source: Shola-Zaar

Leave a comment

+