Subscribe to our newsletter and get our newest updates

Mah Laqa Chanda

  • Ghazal


saqi hai garche be-shumar sharab


saaqī hai garche be-shumār sharāb
nahīñ ḳhush-tar sivā.e yaar sharāb

qatl par kis ke aaj hotī hai
tausan-e-husn par savār sharāb

rakh karam par tire nazar mujrim
nosh karte haiñ be-shumār sharāb

un ko āñkheñ dikhā de Tuk saaqī
chāhte haiñ jo baar baar sharāb

yā alī hashr meñ do 'chandā' ko
āb-e-kausar kī ḳhush-gavār sharāb

saqi hai garche be-shumar sharab
nahin KHush-tar siwae yar sharab

qatl par kis ke aaj hoti hai
tausan-e-husn par sawar sharab

rakh karam par tere nazar mujrim
nosh karte hain be-shumar sharab

un ko aankhen dikha de Tuk saqi
chahte hain jo bar bar sharab

ya ali hashr mein do 'chanda' ko
aab-e-kausar ki KHush-gawar sharab

RECITATIONS Azra Naqvi



00:00/00:00 saqi hai garche be-shumar sharab Azra Naqvi

Leave a comment

+