Warning: session_start(): open(/tmp/sess_fh7n3lhadjraito7a1q76ekvg3, O_RDWR) failed: No space left on device (28) in /razi/eraazi/darbari/chunmun/index.php on line 15
tark-e-talluq kar to chuke hain ek imkan abhi baqi hai

Subscribe to our newsletter and get our newest updates

Etibar Sajid

  • Ghazal


tark-e-talluq kar to chuke hain ek imkan abhi baqi hai


tark-e-ta.alluq kar to chuke haiñ ik imkān abhī baaqī hai
ek mahāz se lauT aa.e haiñ ik maidān abhī baaqī hai

shāyad us ne hañsī hañsī meñ tark-e-vafā kā zikr kiyā ho
yūñhī sī ik ḳhush-fahmī hai itminān abhī baaqī hai

rāteñ us ke hijr meñ ab bhī naza.a ke aalam meñ kaTtī haiñ
dil meñ vaisī hī vahshat hai tan meñ jaan abhī baaqī hai

bachpan ke is ghar ke saare kamre maliyā-meT hue
jis meñ ham khelā karte the vo dālān abhī baaqī hai

diye muñDer pa rakh aate haiñ ham har shaam na jaane kyuuñ
shāyad us ke lauT aane kā kuchh imkān abhī baaqī hai

ek adālat aur hai jis meñ ham tum ik din hāzir hoñge
faisla sun kar ḳhush mat honā ik mīzān abhī baaqī hai

tark-e-talluq kar to chuke hain ek imkan abhi baqi hai
ek mahaz se lauT aae hain ek maidan abhi baqi hai

shayad us ne hansi hansi mein tark-e-wafa ka zikr kiya ho
yunhi si ek KHush-fahmi hai itminan abhi baqi hai

raaten us ke hijr mein ab bhi naza ke aalam mein kaTti hain
dil mein waisi hi wahshat hai tan mein jaan abhi baqi hai

bachpan ke is ghar ke sare kamre maliya-meT hue
jis mein hum khela karte the wo dalan abhi baqi hai

diye munDer pa rakh aate hain hum har sham na jaane kyun
shayad us ke lauT aane ka kuchh imkan abhi baqi hai

ek adalat aur hai jis mein hum tum ek din hazir honge
faisla sun kar KHush mat hona ek mizan abhi baqi hai


Source: Book : Muallim-e-urdu(Lucknow) (Pg. 33) Author : Izhar Ahmad Publication : Published by Izhar ahmad Editor,and publisher at the Shagufta printers Lucknow & Distributed simmam Publication 499/129 Hasanganj lucknow-226020 ( February-1992) Edition :  February-1992

Leave a comment

+