Subscribe to our newsletter and get our newest updates

Iftikhar Naseem

  • Ghazal


teri aankhon ki chamak bas aur ek pal hai abhi


terī āñkhoñ kī chamak bas aur ik pal hai abhī
dekh le is chāñd ko kuchh duur bādal hai abhī

aañkh to ḳhud ko na.e chehroñ meñ kho kar rah ga.ī
dil magar us shaḳhs ke jaane se bojhal hai abhī

ab talak chehre pe haiñ tūfāñ guzarne ke nishāñ
tah meñ patthar jā chukā paanī pe halchal hai abhī

tū to un kā bhī gila kartā hai jo tere na the
tū ne dekhā hī nahīñ kuchh bhī tū pāgal hai abhī

kar gayā sūraj mujhe tanhā kahāñ lā kar 'nasīm'
kyā karūñ maiñ rāste meñ shab kā jañgal hai abhī

teri aankhon ki chamak bas aur ek pal hai abhi
dekh le is chand ko kuchh dur baadal hai abhi

aankh to KHud ko nae chehron mein kho kar rah gai
dil magar us shaKHs ke jaane se bojhal hai abhi

ab talak chehre pe hain tufan guzarne ke nishan
tah mein patthar ja chuka pani pe halchal hai abhi

tu to un ka bhi gila karta hai jo tere na the
tu ne dekha hi nahin kuchh bhi tu pagal hai abhi

kar gaya suraj mujhe tanha kahan la kar 'nasim'
kya karun main raste mein shab ka jangal hai abhi

RECITATIONS Nomaan Shauque



00:00/00:00 teri aankhon ki chamak bas aur ek pal hai abhi Nomaan Shauque

Source: Book : Ghazal Calendar-2015 (Pg. 28.12.2015)

Leave a comment

+