aalam tirī nigah se hai sarshār dekhnā
merī taraf bhī Tuk to bhalā yaar dekhnā

nādāñ se ek umr rahā mujh ko rabt-e-ishq
daanā se ab paḌā hai sarokār dekhnā

gardish se terī chashm ke muddat se huuñ ḳharāb
tis par kare hai mujh se ye iqrār dekhnā

nāseh abas kare hai man.a mujh ko ishq se
aa jaa.e vo nazar to phir inkār dekhnā

'chandā' ko tum se chashm ye hai yā alī ki ho
ḳhāk-e-najaf ko surma-e-absār dekhnā

aalam teri nigah se hai sarshaar dekhna
meri taraf bhi Tuk to bhala yar dekhna

nadan se ek umr raha mujh ko rabt-e-ishq
dana se ab paDa hai sarokar dekhna

gardish se teri chashm ke muddat se hun KHarab
tis par kare hai mujh se ye iqrar dekhna

naseh abas kare hai mana mujh ko ishq se
aa jae wo nazar to phir inkar dekhna

'chanda' ko tum se chashm ye hai ya ali ki ho
KHak-e-najaf ko surma-e-absar dekhna

RECITATIONS Azra Naqvi



00:00/00:00 aalam teri nigah se hai sarshaar dekhna Azra Naqvi