Subscribe to our newsletter and get our newest updates

Hadi Machlishahri

  • Ghazal


khoya hua sa rahta hun aksar main ishq mein


khoyā huā sā rahtā huuñ aksar maiñ ishq meñ
yā yuuñ kaho ki hosh meñ aane lagā huuñ maiñ

ye ibtidā-e-shauq kī hālat na ho kahīñ
mahfil meñ us se aañkh churāne lagā huuñ maiñ

ab kyuuñ gila rahegā mujhe hijr-e-yār kā
be-tābiyoñ se lutf uThāne lagā huuñ maiñ

khoya hua sa rahta hun aksar main ishq mein
ya yun kaho ki hosh mein aane laga hun main

ye ibtida-e-shauq ki haalat na ho kahin
mahfil mein us se aankh churane laga hun main

ab kyun gila rahega mujhe hijr-e-yar ka
be-tabiyon se lutf uThane laga hun main


Source: Book : Ehsasat-e-Farigh (Pg. 10) Author : Laxmi Narayan Farigh

Leave a comment

+