Subscribe to our newsletter and get our newest updates

Vikas Sharma Raaz

  • Ghazal


zindagi ki hansi uDati hui


zindagī kī hañsī uḌātī huī
ḳhvāhish-e-marg sar uThātī huī

kho ga.ī ret ke samundar meñ
ik nadī rāsta banātī huī

mujh ko aksar udaas kartī hai
ek tasvīr muskurātī huī

aa ga.ī ḳhāmushī ke narġhe meñ
zindagī mujh ko gungunātī huī

maiñ ise bhī udaas kar dūñgā
sub.h aa.ī hai khilkhilātī huī

har añdherā tamām hotā huā
jot meñ jot ab samātī huī

zindagi ki hansi uDati hui
KHwahish-e-marg sar uThati hui

kho gai ret ke samundar mein
ek nadi rasta banati hui

mujh ko aksar udas karti hai
ek taswir muskuraati hui

aa gai KHamushi ke narghe mein
zindagi mujh ko gungunati hui

main ise bhi udas kar dunga
subh aai hai khilkhilati hui

har andhera tamam hota hua
jot mein jot ab samati hui

Videos
This video is playing from YouTube Videos
This video is playing from YouTube Vikas Sharma Raaz

Issue No. 5-6"

Leave a comment

+