dil ko ḳhud dilbar se ḳhatra
ghar ko ab hai ghar se ḳhatra

sar zabān ke ḳhatre meñ thā
ab zabān ko sar se ḳhatra

raah meñ kho jaanā hai behtar
raahī ko rahbar se ḳhatra

raat ko sonā dekh-bhāl ke
chādar se bistar se ḳhatra

yaaro dushman qātil saare
nīche aur uupar se ḳhatra

ghar jaa.eñ yā bāhar ghūmeñ
andar se bāhar se ḳhatra

raat kī raat safar hai apnā
ham ko nūr-e-sahar se ḳhatra

bashar banātā maut hai apnī
us ko apne hunar se ḳhatra

dil ko KHud dilbar se KHatra
ghar ko ab hai ghar se KHatra

sar zaban ke KHatre mein tha
ab zaban ko sar se KHatra

rah mein kho jaana hai behtar
rahi ko rahbar se KHatra

raat ko sona dekh-bhaal ke
chadar se bistar se KHatra

yaro dushman qatil sare
niche aur upar se KHatra

ghar jaen ya bahar ghumen
andar se bahar se KHatra

raat ki raat safar hai apna
hum ko nur-e-sahar se KHatra

bashar banata maut hai apni
us ko apne hunar se KHatra