Subscribe to our newsletter and get our newest updates

Iftikhar Ahmad khatak

  • Ghazal


manzar ke sath sath badalne laga hun main


manzar ke saath saath badalne lagā huuñ maiñ
raushan hue charāġh to jalne lagā huuñ maiñ

pau phūTne meñ vaqt hai jaanā hai mujh ko duur
sūraj se pahle ghar se nikalne lagā huuñ maiñ

hairat ne merī aañkh meñ ik ḳhvāb rakh diyā
chashm-e-sitāra-sāz meñ khulne lagā huuñ maiñ

merā kamāl dekhiye is dhūp-dasht maiñ
ik aa.ine kā jism ujalne lagā huuñ maiñ

manzil hī merī aur hai rasta bhī hai judā
kyoñ kārvāñ ke saath nikalne lagā huuñ maiñ

ab baaġh meñ qayām se karnā nahīñ gurez
ḳhushbū ke etakāf ko chalne lagā huuñ maiñ

manzar ke sath sath badalne laga hun main
raushan hue charagh to jalne laga hun main

pau phuTne mein waqt hai jaana hai mujh ko dur
suraj se pahle ghar se nikalne laga hun main

hairat ne meri aankh mein ek KHwab rakh diya
chashm-e-sitara-saz mein khulne laga hun main

mera kamal dekhiye is dhup-dasht main
ek aaine ka jism ujalne laga hun main

manzil hi meri aur hai rasta bhi hai juda
kyon karwan ke sath nikalne laga hun main

ab bagh mein qayam se karna nahin gurez
KHushbu ke etakaf ko chalne laga hun main


Leave a comment

+