Subscribe to our newsletter and get our newest updates

Dakhlan Bhopali

  • Ghazal


hamari ruh ko chhukar guzar gaya hai abhi


hamārī ruuh ko chhūkar guzar gayā hai abhī
vo ek lamha na jaane kidhar gayā hai abhī

ki daur-e-ishq meñ us kā bhī ek jism to thā
mujhe hai shak vo fazā meñ bikhar gayā hai abhī

ḳhazāne DhūñDhtā hai vo agar to le jaa.e
hamārī aañkh se zaa.e.a guhar gayā hai abhī

jabīñ pe lahreñ thiiñ bhītar badan meñ tūfāñ thā
ḳhudā kā shukr hai dariyā utar gayā hai abhī

tamām umr diye maiñ ne vaqt ko ta.ane
abhī sukūn hai thoḌā sudhar gayā hai abhī

hamari ruh ko chhukar guzar gaya hai abhi
wo ek lamha na jaane kidhar gaya hai abhi

ki daur-e-ishq mein us ka bhi ek jism to tha
mujhe hai shak wo faza mein bikhar gaya hai abhi

KHazane DhunDhta hai wo agar to le jae
hamari aankh se zaea guhar gaya hai abhi

jabin pe lahren thin bhitar badan mein tufan tha
KHuda ka shukr hai dariya utar gaya hai abhi

tamam umr diye main ne waqt ko tane
abhi sukun hai thoDa sudhar gaya hai abhi


Leave a comment

+