vo zamāna nazar nahīñ aatā
kuchh Thikānā nazar nahīñ aatā

jaan jaatī dikhā.ī detī hai
un kā aanā nazar nahīñ aatā

ishq dar-parda phūñktā hai aag
ye jalānā nazar nahīñ aatā

ik zamāna mirī nazar meñ rahā
ik zamāna nazar nahīñ aatā

dil ne is bazm meñ biThā to diyā
uTh ke jaanā nazar nahīñ aatā

rahiye mushtāq-e-jalva-e-dīdār
ham ne maanā nazar nahīñ aatā

le chalo mujh ko rāh-ravān-e-adam
yaañ Thikānā nazar nahīñ aatā

dil pe baiThā kahāñ se tīr-e-nigāh
ye nishāna nazar nahīñ aatā

tum milāoge ḳhaak meñ ham ko
dil milānā nazar nahīñ aatā

aap hī dekhte haiñ ham ko to
dil kā aanā nazar nahīñ aatā

dil-e-pur-ārzū luTā ai 'dāġh'
vo ḳhazāna nazar nahīñ aatā

wo zamana nazar nahin aata
kuchh Thikana nazar nahin aata

jaan jati dikhai deti hai
un ka aana nazar nahin aata

ishq dar-parda phunkta hai aag
ye jalana nazar nahin aata

ek zamana meri nazar mein raha
ek zamana nazar nahin aata

dil ne is bazm mein biTha to diya
uTh ke jaana nazar nahin aata

rahiye mushtaq-e-jalwa-e-didar
hum ne mana nazar nahin aata

le chalo mujh ko rah-rawan-e-adam
yan Thikana nazar nahin aata

dil pe baiTha kahan se tir-e-nigah
ye nishana nazar nahin aata

tum milaoge KHak mein hum ko
dil milana nazar nahin aata

aap hi dekhte hain hum ko to
dil ka aana nazar nahin aata

dil-e-pur-arzu luTa ai 'dagh'
wo KHazana nazar nahin aata

Source: