Subscribe to our newsletter and get our newest updates

Mahir Abdul Hayee

  • Ghazal


aawara aawara KHushbu hum dono


āvāra āvāra ḳhushbū ham dono
jaane kis din hoñge yaksū ham donoñ

taaza taaza phūloñ kī rut kahtī hai
kar leñ kuchh tafrīh lab-e-jū ham donoñ

phir kyā shai hai maan.e saath nibhāne meñ
rakhte to haiñ yaksāñ ḳhushbū ham donoñ

maiñ chaltā huuñ dil par aql-o-hosh pe to
jis kā toḌ nahīñ vo jaadū ham donoñ

apnī apnī pahchānoñ ke shaidā.ī
tārīkī meñ uḌte jugnū ham donoñ

Takrā.e to TūTeñge miT jā.eñge
apne aap pe rakkheñ qaabū ham donoñ

rasmoñ ke bandhan se baazū khulte to
āzādī se uḌte har-sū ham donoñ

us meñ rah kar us se bachnā mushkil hai
duniyā nāvak afgan aahū ham donoñ

tasvīroñ kā album laao dekheñ to
kitne the ḳhush-qāmat ḳhush-rū ham donoñ

aawara aawara KHushbu hum dono
jaane kis din honge yaksu hum donon

taza taza phulon ki rut kahti hai
kar len kuchh tafrih lab-e-ju hum donon

phir kya shai hai mane sath nibhane mein
rakhte to hain yaksan KHushbu hum donon

main chalta hun dil par aql-o-hosh pe to
jis ka toD nahin wo jadu hum donon

apni apni pahchanon ke shaidai
tariki mein uDte jugnu hum donon

Takrae to TuTenge miT jaenge
apne aap pe rakkhen qabu hum donon

rasmon ke bandhan se bazu khulte to
aazadi se uDte har-su hum donon

us mein rah kar us se bachna mushkil hai
duniya nawak afgan aahu hum donon

taswiron ka album lao dekhen to
kitne the KHush-qamat KHush-ru hum donon


Source: Book : Zehrab (Pg. 17) Author : Fakhrezaman Publication : Idarah Eshat-e-adab, Gujrat (1968) Edition : 1968

Leave a comment

+