Subscribe to our newsletter and get our newest updates

Iftikhar Imam Siddiqi

  • Ghazal


wo nahin milta mujhe is ka gila apni jagah


vo nahīñ miltā mujhe is kā gilā apnī jagah
us ke mere darmiyāñ kā fāsla apnī jagah

zindagī ke is safar meñ saikḌoñ chehre mile
dilkashī un kī alag paikar tirā apnī jagah

tujh se mil kar aane vaale kal se nafrat mol lī
ab kabhī tujh se na bichhḌūñ ye duā apnī jagah

ik musalsal dauḌ meñ haiñ manzileñ aur fāsle
peḌ to apnī jagah haiñ rāsta apnī jagah

wo nahin milta mujhe is ka gila apni jagah
us ke mere darmiyan ka fasla apni jagah

zindagi ke is safar mein saikDon chehre mile
dilkashi un ki alag paikar tera apni jagah

tujh se mil kar aane wale kal se nafrat mol li
ab kabhi tujh se na bichhDun ye dua apni jagah

ek musalsal dauD mein hain manzilen aur fasle
peD to apni jagah hain rasta apni jagah


Pachas Sala Intekhab"

Leave a comment

+