Subscribe to our newsletter and get our newest updates

Ghulam Murtaza Rahi

  • Ghazal


sada wo deta bhi hoga to kya KHabar mujhko


sadā vo detā bhī hogā to kyā ḳhabar mujh ko
jo sunñe de ye mashīnoñ kā shor-o-shar mujh ko

ajiib dasht huuñ maiñ bhī ki ek ik zarra
uḌaa.e phirtā hai muddat se dar-ba-dar mujh ko

har ik se pūchhtā phirtā hai merā nām-o-nishāñ
guzar gayā thā kabhī sahal jaan kar mujh ko

havā vo duur se detā hai apne dāman ko
qarīb aatā nahīñ jaan kar sharar mujh ko

maiñ apne qatl kā ilzām kisī ko duuñ 'rāhī'
milā hai apnā hī dāman lahū meñ tar mujh ko

sada wo deta bhi hoga to kya KHabar mujh ko
jo sunne de ye mashinon ka shor-o-shar mujh ko

ajib dasht hun main bhi ki ek ek zarra
uDae phirta hai muddat se dar-ba-dar mujh ko

har ek se puchhta phirta hai mera nam-o-nishan
guzar gaya tha kabhi sahal jaan kar mujh ko

hawa wo dur se deta hai apne daman ko
qarib aata nahin jaan kar sharar mujh ko

main apne qatl ka ilzam kisi ko dun 'rahi'
mila hai apna hi daman lahu mein tar mujh ko


Leave a comment

+