kuchh aise ahl-e-nazar zer-e-āsmāñ guzre
ki jin ke farsh pe bhī arsh kā gumāñ guzre
mire sukūt-e-musalsal ko bhī sadā denā
agar idhar se kabhī sorish-e-zamāñ guzre
tujhe ḳhabar hai tirī yaad meñ sar-e-mizhgāñ
tamām raat sitāroñ ke kārvāñ guzre
vahī to haiñ mirī barbād umr kā hāsil
jo hādsāt javānī meñ nā-gahāñ guzre
tilism-e-husn-o-mohabbat nahīñ to phir kyā hai
diloñ kī baat nigāhoñ ke darmiyāñ guzre
tumhāre vāda-e-fardā kī zad meñ jo aa.e
phir us kī raat kahāñ guzre din kahāñ guzre
ab apnā hāl-e-dil-e-zār kyā kahūñ 'ja.afar'
har ek baat mirī un pe jab garāñ guzre
kuchh aise ahl-e-nazar zer-e-asman guzre
ki jin ke farsh pe bhi arsh ka guman guzre
mere sukut-e-musalsal ko bhi sada dena
agar idhar se kabhi sorish-e-zaman guzre
tujhe KHabar hai teri yaad mein sar-e-mizhgan
tamam raat sitaron ke karwan guzre
wahi to hain meri barbaad umr ka hasil
jo hadsat jawani mein na-gahan guzre
tilism-e-husn-o-mohabbat nahin to phir kya hai
dilon ki baat nigahon ke darmiyan guzre
tumhaare wada-e-farda ki zad mein jo aae
phir us ki raat kahan guzre din kahan guzre
ab apna haal-e-dil-e-zar kya kahun 'jafar'
har ek baat meri un pe jab garan guzre
Source: Funoon(Jadeed Ghazal Number: Volume-002)
Leave a comment