aaj kal aap saath chalte nahīñ
is liye log ham se jalte nahīñ

kaise ġhazloñ kī rut javāñ hogī
jab nigāhoñ ke tiir chalte nahīñ

tum ko duniyā kahegī dīvānā
rut badaltī hai tum badalte nahīñ

shahroñ shahroñ hamārā chehra hai
aur ham ghar se bhī nikalte nahīñ

aaj kal aap sath chalte nahin
is liye log hum se jalte nahin

kaise ghazlon ki rut jawan hogi
jab nigahon ke tir chalte nahin

tum ko duniya kahegi diwana
rut badalti hai tum badalte nahin

shahron shahron hamara chehra hai
aur hum ghar se bhi nikalte nahin