rāz-e-ulfat chhupā ke dekh liyā
dil bahut kuchh jalā ke dekh liyā

aur kyā dekhne ko baaqī hai
aap se dil lagā ke dekh liyā

vo mire ho ke bhī mire na hue
un ko apnā banā ke dekh liyā

aaj un kī nazar meñ kuchh ham ne
sab kī nazreñ bachā ke dekh liyā

'faiz' takmīl-e-ġham bhī ho na sakī
ishq ko aazmā ke dekh liyā

raaz-e-ulfat chhupa ke dekh liya
dil bahut kuchh jala ke dekh liya

aur kya dekhne ko baqi hai
aap se dil laga ke dekh liya

wo mere ho ke bhi mere na hue
un ko apna bana ke dekh liya

aaj un ki nazar mein kuchh hum ne
sab ki nazren bacha ke dekh liya

'faiz' takmil-e-gham bhi ho na saki
ishq ko aazma ke dekh liya

Videos
This video is playing from YouTube Videos
This video is playing from YouTube Kavita Krishnamurthy Salma Agha Firoza Begum

Pachas Sala Intekhab"