mujh paas kabhī vo qad-e-shamshād na aayā
is ghar mane vo dil-bar-e-ustād na aayā

gulshan mirī añkhiyāñ meñ lage gulḳhan-e-dozaḳh
jo sair ko mujh saath parī-zād na aayā

sāñjh aa.ī diyo din bī huā fikr meñ āḳhir
vo dil-bar-e-jādū-gar-o-sayyād na aayā

aayā na haman paas kiyā va.ada-ḳhilāfī
'fā.ez' kā kuchh ahvāl magar yaad na aayā

mujh pas kabhi wo qad-e-shamshad na aaya
is ghar mane wo dil-bar-e-ustad na aaya

gulshan meri ankhiyan mein lage gulKHan-e-dozaKH
jo sair ko mujh sath pari-zad na aaya

sanjh aai diyo din bi hua fikr mein aaKHir
wo dil-bar-e-jadu-gar-o-sayyaad na aaya

aaya na haman pas kiya wada-KHilafi
'faez' ka kuchh ahwal magar yaad na aaya

Source: Funoon(Jadeed Ghazal Number: Volume-002)