Subscribe to our newsletter and get our newest updates

Madan Mohan Danish

  • Ghazal


rang-e-duniya kitna gahra ho gaya


rañg-e-duniyā kitnā gahrā ho gayā
aadmī kā rañg phīkā ho gayā

raat kyā hotī hai ham se pūchhiye
aap to so.e saverā ho gayā

Dūbne kī zid pe kashtī aa ga.ī
bas yahīñ majbūr dariyā ho gayā

aaj ḳhud ko bechne nikle the ham
aaj hī bāzār manda ho gayā

ġham añdhere kā nahīñ 'dānish' magar
vaqt se pahle añdherā ho gayā

rang-e-duniya kitna gahra ho gaya
aadmi ka rang phika ho gaya

raat kya hoti hai hum se puchhiye
aap to soe sawera ho gaya

Dubne ki zid pe kashti aa gai
bas yahin majbur dariya ho gaya

aaj KHud ko bechne nikle the hum
aaj hi bazar manda ho gaya

gham andhere ka nahin 'danish' magar
waqt se pahle andhera ho gaya


Leave a comment

+