sīkhā jo qalam se na-e-ḳhālī kā bajānā
kar naġhma 'baqā' fikrat-e-ālī kā bajānā
tasma mire mat dil pe divālī kā bajānā
ye laT jo hai chābuk usī kaalī kā bajānā
maarā kiye mutrib ba-chugāñ dil pe thapeḌe
sīkhe isī table pe vo taalī kā bajānā
ulfat meñ tirī ai but-e-be-mehr-o-mohabbat
aayā hameñ ik haath se taalī kā bajānā
le mol mire dil kā vo jab sāġhar-e-nāzuk
yaad aave na kaash us ko sifālī kā bajānā
is nāla-e-be-saut ne hairat meñ sikhāyā
saaz ab mujhe tasvīr-e-nihalī kā bajānā
bas ai ġham-e-ġhammāz mirī āh-e-jigar se
la.anat hai tirā baam pe thālī kā bajānā
be-sāqī-o-mai soch meñ hai kaam hamārā
baiThe sir-e-nāḳhun se pyālī kā bajānā
is kūdak-e-be-hosh kā aafat hai shab uTh kar
Thekoñ pe mirī aah ke taalī kā bajānā
suntā huuñ kisī poch kī jab daf-zanī-e-fikr
aatā hai mujhe yaad Dafālī kā bajānā
kartā hai 'baqā' naala to kar jhāñj meñ dil se
be-jhāñj hai kyā is daf-e-ḳhālī kā bajānā
sikha jo qalam se na-e-KHali ka bajaana
kar naghma 'baqa' fikrat-e-ali ka bajaana
tasma mere mat dil pe diwali ka bajaana
ye laT jo hai chabuk usi kali ka bajaana
mara kiye mutrib ba-chugan dil pe thapeDe
sikhe isi table pe wo tali ka bajaana
ulfat mein teri ai but-e-be-mehr-o-mohabbat
aaya hamein ek hath se tali ka bajaana
le mol mere dil ka wo jab saghar-e-nazuk
yaad aawe na kash us ko sifali ka bajaana
is nala-e-be-saut ne hairat mein sikhaya
saz ab mujhe taswir-e-nihali ka bajaana
bas ai gham-e-ghammaz meri aah-e-jigar se
lanat hai tera baam pe thaali ka bajaana
be-saqi-o-mai soch mein hai kaam hamara
baiThe sir-e-naKHun se pyali ka bajaana
is kudak-e-be-hosh ka aafat hai shab uTh kar
Thekon pe meri aah ke tali ka bajaana
sunta hun kisi poch ki jab daf-zani-e-fikr
aata hai mujhe yaad Dafali ka bajaana
karta hai 'baqa' nala to kar jhanj mein dil se
be-jhanj hai kya is daf-e-KHali ka bajaana
Source: Rooh-e-Ghazal,Pachas Sala Intekhab
Leave a comment