Warning: session_start(): open(/tmp/sess_lnk5e5v8fh40m9opio81plrpt2, O_RDWR) failed: No space left on device (28) in /razi/eraazi/darbari/chunmun/index.php on line 15
ne amiron mein ne waziron mein

Subscribe to our newsletter and get our newest updates

Maatam Fazl Mohammad

  • Ghazal


ne amiron mein ne waziron mein


ne amīroñ meñ ne vazīroñ meñ
ishq ke ham to haiñ faqīroñ meñ

koī āzād ho to ho yaaro
ham to haiñ ishq ke asīroñ meñ

banda-e-ishq haq hai apne yahāñ
tāj-dāroñ meñ taḳht-gīroñ meñ

furqat-e-yār kī bharī hai bū
nāla-hā-e-nai o nafīroñ meñ

zan-e-duniyā murīd kis kī nahīñ
ham bhī is qahba ke the pīroñ meñ

ab to ḳhāmosh haiñ qafas meñ kabhī
naġhma-sañjāñ the ham-safīroñ meñ

ham ko tū vājib-ul-vajūd milā
ham kabīroñ meñ ham saġhīroñ meñ

kunj-e-uzlat meñ yaar ko paayā
ne qalīloñ meñ ne kasīroñ meñ

shukr-e-haq kījiye ki hai 'mātam'
apne dildār dil-pazīroñ meñ

ne amiron mein ne waziron mein
ishq ke hum to hain faqiron mein

koi aazad ho to ho yaro
hum to hain ishq ke asiron mein

banda-e-ishq haq hai apne yahan
taj-daron mein taKHt-giron mein

furqat-e-yar ki bhari hai bu
nala-ha-e-nai o nafiron mein

zan-e-duniya murid kis ki nahin
hum bhi is qahba ke the piron mein

ab to KHamosh hain qafas mein kabhi
naghma-sanjaan the ham-safiron mein

hum ko tu wajib-ul-wajud mila
hum kabiron mein hum saghiron mein

kunj-e-uzlat mein yar ko paya
ne qalilon mein ne kasiron mein

shukr-e-haq kijiye ki hai 'matam'
apne dildar dil-paziron mein


Source: Deewan-e-Matam

Leave a comment

+