nizām-e-tabī.at se ghabrā gayā dil
tabī.at kī ab barhamī chāhtā huuñ

mirī be-qarārī se ḳhush hone vaale
na ḳhush ki maiñ bhī yahī chāhtā huuñ

jafā ko bhī terī jo sharminda kar de
vo mazlūm maiñ zindagī chāhtā huuñ

ġhazab hai ye ehsās vārastagī kā
ki tujh se bhī ḳhud ko barī chāhtā huuñ

sar-e-dār mansūr ko thī jo hāsil
maiñ 'hādī' vahī zindagī chāhtā huuñ

nizam-e-tabiat se ghabra gaya dil
tabiat ki ab barhami chahta hun

meri be-qarari se KHush hone wale
na KHush ki main bhi yahi chahta hun

jafa ko bhi teri jo sharminda kar de
wo mazlum main zindagi chahta hun

ghazab hai ye ehsas warastagi ka
ki tujh se bhi KHud ko bari chahta hun

sar-e-dar mansur ko thi jo hasil
main 'hadi' wahi zindagi chahta hun