Subscribe to our newsletter and get our newest updates

Laxman Sharma Vahid

  • Ghazal


apahij bap ko beTa akela chhoD jata hai


apāhij baap ko beTā akelā chhoḌ jaatā hai
musībat meñ to aksar saath saaya chhoḌ jaatā hai

ghanerā ho shajar kitnā nahīñ shādāb gar shāḳheñ
to in shāḳhoñ pe phir aanā parinda chhoḌ jaatā hai

uThā paatā nahīñ ḳhālī shikam jab bojh baste kā
miTāne bhuuk bachpan kī vo basta chhoḌ jaatā hai

qalam honā thā jis ke haath meñ thāme vo ḳhanjar hai
kahīñ ilm-o-adab kā apnā rastā chhoḌ jaatā hai

hifāzat mulk kī kartā hai antim saañs tak apnī
vahī pīchhe bilaktā ek rishta chhoḌ jaatā hai

apahij bap ko beTa akela chhoD jata hai
musibat mein to aksar sath saya chhoD jata hai

ghanera ho shajar kitna nahin shadab gar shaKHen
to in shaKHon pe phir aana parinda chhoD jata hai

uTha pata nahin KHali shikam jab bojh baste ka
miTane bhuk bachpan ki wo basta chhoD jata hai

qalam hona tha jis ke hath mein thame wo KHanjar hai
kahin ilm-o-adab ka apna rasta chhoD jata hai

hifazat mulk ki karta hai antim sans tak apni
wahi pichhe bilakta ek rishta chhoD jata hai


Leave a comment

+