Warning: session_start(): open(/tmp/sess_ibhngv6eq77ri2nkas15gljp70, O_RDWR) failed: No space left on device (28) in /razi/eraazi/darbari/chunmun/index.php on line 15
gham bhi sadiyon se hain aur dida-e-tar sadiyon se

Subscribe to our newsletter and get our newest updates

Faheem Jogapuri

  • Ghazal


gham bhi sadiyon se hain aur dida-e-tar sadiyon se


ġham bhī sadiyoñ se haiñ aur dīda-e-tar sadiyoñ se
ḳhāna-barbādoñ ke ābād haiñ ghar sadiyoñ se

dar-ba-dar un kā bhaTaknā to na.ī baat nahīñ
chāhne vaale to haiñ ḳhāk-basar sadiyoñ se

koī mushkil na masāfat hai na raste kī thakan
asl zanjīr hai sāmān-e-safar sadiyoñ se

tujh se milne ke sivā saarī duā.eñ gulshan
ik yahī shāḳh hai be-barg-o-samar sadiyoñ se

kyā musāfir haiñ ye raste meñ bhaTakne vaale
jaise be-samt ghaTāoñ kā safar sadiyoñ se

kis ne dekhī hai zamāne meñ vafā kī ḳhushbū
ye kahānī hai kitāboñ meñ magar sadiyoñ se

har zamāne meñ ḳhushāmad ne sadārat kī hai
kāmrāñ hotā rahā hai ye hunar sadiyoñ se

mā-sivā husn kahīñ ishq ne dekhā na 'fahīm'
ek hī samt ko jāmid hai nazar sadiyoñ se

gham bhi sadiyon se hain aur dida-e-tar sadiyon se
KHana-barbaadon ke aabaad hain ghar sadiyon se

dar-ba-dar un ka bhaTakna to nai baat nahin
chahne wale to hain KHak-basar sadiyon se

koi mushkil na masafat hai na raste ki thakan
asl zanjir hai saman-e-safar sadiyon se

tujh se milne ke siwa sari duaen gulshan
ek yahi shaKH hai be-barg-o-samar sadiyon se

kya musafir hain ye raste mein bhaTakne wale
jaise be-samt ghaTaon ka safar sadiyon se

kis ne dekhi hai zamane mein wafa ki KHushbu
ye kahani hai kitabon mein magar sadiyon se

har zamane mein KHushamad ne sadarat ki hai
kaamran hota raha hai ye hunar sadiyon se

ma-siwa husn kahin ishq ne dekha na 'fahim'
ek hi samt ko jamid hai nazar sadiyon se


Source: Book : Dariche (Pg. 29) Author : Bashir Saifi Publication : Shakhsar Publishers (1975) Edition : 1975

Leave a comment

+